Ազգային ժողովում Արմեն Սարգսյանի թեկնածությունը նախագահի պաշտոնում կառաջադրեն այս շաբաթ։ Այդ մասին ՀՀԿԳ ԳՄ նիստից հետո լրագրողների հետ զրույցում ասել է ԱԺ փոխնախագահ Էդուարդ Շարմազանովը։
Նրա խոսքով, այս շաբաթ կհավաքեն անհրաժեշտ ստորագրությունները եւ կառաջադրեն Արմեն Սարգսյանի թեկնածությունը։ «Առաջիկա քառօրյայում առաջադրելու ենք նաեւ բարձրագույն դատական խորհրդի հինգ անդամների թեկնածությունները։ Մենք կառաջադրենք մեր խմբակցության թեկնածուների անունները»,- ասել է Շարմազանովը՝ հավելելով, որ թե նախագահի, թե բարձրագույն դատական խորհրդի անդամների ընտրությունները լինելու են փակ, գաղտնի։
ՀՀԿ խոսնակը, սակայն, չհայտնեց թեկնածուների անունները, միայն նշեց, որ շատ պատրաստված անձինք են լինելու։
Ըստ Շարմազանովի, ՀՀԿ ԳՄ-ն քննարկել է նաեւ ՏիՄ ընտրությունների հարցը։ «ՀՀԿ-ն բոլոր 20 համայնքներում առաջադրել է թեկնածուների։ Մասնակցում են նաեւ ԲՀԿ-ն եւ ՀՅԴ-ն։ Որերորդ անգամ մեր ոչ բոլոր գործընկերներն են մասնակցում ընտրությունների։ Կամ չեն կարեւորում ՏԻՄ մարմինները, միգուցե չկան կայացած կառույցներ»,- ասել է Շարմազանովը եւ հավելել, որ ՀՀԿ-ն պատրաստ է ազատ մրցակցության։
