Սինգապուրում տղամարդը փորձել է նավակով փախչել արդարադատությունից: BBC-ի տեղեկությունների համաձայն՝ Չույ Էնգ Խանը մեղավոր է ճանաչվել եկեղեցում խարդախության գործով եւ դատապարտվել 3 տարվա եւ 4 ամիս ազատազրկման:
Մի քանի բողոքարկումները արդյունք չեն տվել եւ Խանը պետք է փետրվարի 22-ից իր պատիժը կրեր:
Սակայն դրանից մեկ օր առաջ առափնյա պահակախումբը Մալազիա տանող ճանապարհին փոքր նավակով նրան ձերբակալեց:
Չնայած Խանը պնդում էր, որ նա ձկնորսության էր գնում, սակայն երեք բջջային հեռախոսների եւ 5 հազար դոլար գումարի առկայությունը ոստիկաններին հուշել են, որ նա պարզապես փորձում էր փախչել:
Խանը եւ հինգ այլ անձինք 2015 թվականին City Harvest Church-ի միլիոնավոր դոլարների յուրացման համար դատապարտվել էին: Այս գործը Սինգապուրում երկար տարիների ընթացքում կոռուպցիայի ամենասկանդալային դեպքն էր դարձել: