Angry Birds արկադայի սիրահարներն այժմ կարող են իրական գումարներ վաստակել՝ չեզոքացնելով կանաչ խոզերին: Խաղի «դրամային» տարբերակը՝ Angry Birds Champions-ը հասանելի է WorldWinner առցանց հարթակի նոր iOS հավելվածի միջոցով, փոխանցում է «Վեստի»-ն:
Մրցումներն անցկացվում են ասինխրոն ձեւաչափով. մասնակցության հնարավորության համար վճարելով 1 դոլարից պակաս՝ խաղացողն ընտրում է մրցաշարի տեսակը, որից հետո միավորներ է ստանում: Ապա ծրագիրը գտնում է մեկ այլ՝ առաջին խաղացողի մակարդակի խաղացողի, որն անցնում է նույն փուլերը: Դրամական պարգեւը (որպես կանոն, մի քանի դոլար) ստանում է առավել շատ միավորներ հավաքած խաղացողը, իսկ WorldWinner-ն իրեն փոքրիկ տոկոս է պահում:
Հիշեցնենք, որ Angry Birds-ի առաջին մասը թողարկվել էր 2009 թվականին: Այդ ժամանակից ի վեր այն բեռնվել է ավելի քան չորս միլիարդ անգամ, ինչը բազում սփին օֆերի է հանգեցրել: