Կառավարությունը վերապահումներով հավանություն տվեց Հայաստանի Քրեադատավարական օրենսգրքում կատարվող լրացումների նախագծին, որոնց համաձայն՝ քրեական վարույթի կասեցման որոշում ընդունող քննիչները պետք է որոշման պատճենները մեղադրյալներին եւ այլ կողմերին տրամադրեն ՔԴՕ 31-րդ հոդվածի 1-ին մասի 4-րդ եւ 5-րդ կետերով նախատեսված դեպքերում: Համապատասխան որոշումն ընդունվեց կառավարության փետրվարի 22-ի նիստում: Որոշման նախագիծը ներկայացրեց արդարադատության նախարար Դավիթ Հարությունյանը:
Նրա խոսքով՝ այս միջոցառման նպատակն է կողմերին համապատասխան որոշումները բողոքարկելու հնարավորություն տալ: «Գաղափարը դրական է, եւ մենք ընդհանուր առմամբ այն աջակցում ենք, սակայն դրա արդյունավետ իրականացման համար մի շարք առաջարկներ են ներկայացվել, առանց որոնց այս ակտն իր նպատակին չի ծառայի»,- ասաց Հարությունյանը:
Օրինագծով, մասնավորապես, նախատեսվում է, որ քննիչը պետք է վարույթի կասեցման որոշման պատճենն ուղղարկի, եթե մեղադրյալը ծանր հիվանդ է կամ Հայաստանի սահմաններից դուրս է գտնվում, կամ այն դեպքում, երբ կա անհաղթահարելի հանգամանք, որը խոչընդոտում է վարույթը շարունակելուն: Հստակ չէ մի բան՝ ինչու օրինագիծը չի առնչվում նույն հոդվածի 1-ին մասի 3-րդ կետին, որի համաձայն մեղադրյալն օգտվում է քրեական հետապնդման անձեռնմխելիությունից: Կառավարությունը միաժամանակ առաջարկում է օրինագծում հստակեցնել քննիչի կողմից որոշման պատճենն ուղարկելու ժամկետները, քանի որ փոստաթղթում օգտագործվում է «անմիջապես» տերմինը:
