Կառավարության փետրվարի 22-ի նիստում հավանության է արժանացել «Հողօգտագործողներին մատչելի գներով դիզելային վառելանյութի ձեռքբերման նպատակով պետական աջակցության ծրագիրը»։ Որոշման նախագիծը ներկայացրել է գյուղատնտեսության նախարար փոխնախարար Ռոբերտ Մակարյանը։

Նա հայտնել է, որ ծրագրով նախատեսվում է 2018 թվականին գերատեսչությանը հատկացնել 360 մլն դրամ, որը որպես սուբսիդիա կվճարվի դիզելային վառելիքի մատակարարներին։ Սուբսիդիայի շրջանակներում ընդհանուր 6 մլն լիտր ընդհանուր վաճառքի պարագայում 1 լիտր դիզելային վառելիքը կարժենա 60 դրամ. «Դիզելային վառելիքը հողօգտագործողներին կվաճառվի մարզային ղեկավարության վերահսկողության ներքո սահմանափակ քանակությամբ՝ 3 հեկտար հողատարածքի պարագայում 1 հա հողատարածքի համար  կտրամադրվի 200 լիտր դիզելային վառելիք»,–նշել է նա։

Ծրագիրը կսկսի գործել 2018 թվականի հուլիսի 1–ից։