Հարավկորեական Samsung ընկերության Galaxy S9 եւ Galaxy S9+ նոր գաջեթները պաշտոնապես վաճառքի կհանվեն մարտի 16-ին, հաղորդում է The Guardian-ը:
Սմարթֆոնների պաշտոնական շնորհանդեսը նախատեսված է փետրվարի 25-ին։ Նախնական պատվերը կարելի կլինի ձեւակերպել փետրվարի 28–ին, իսկ ստանալ կարելի կլինի մարտի 9-15–ը։
Ավելի վաղ հայտնել էինք, որ Galaxy S9-ը կունենա 5.8 դյույմ էկրան, օպերատիվ 4 ԳԲ հիշողություն եւ 64 ԳԲ ներքին հիշողություն: S9+ սմարթֆոնը հագեցած կլինի համապատասխանաբար 6.2 դյույմ էկրանով, կունենա 6 ԳԲ օպերատիվ եւ 128 ԳԲ ներքին հիշողություն: 12 մեգապիքսել հզորությամբ հիմնական ֆոտոխցիկը կունենա փոխվող բացվածք (f/2,4-f/1,5) եւ արագության ժամանակ լուսանկարելու հնարավորություն (մեկ վայրկյանում 480 կադր):
