Փողերի լվացման եւ ահաբեկչության ֆինանսավորման դեմ պայքարի մասին օրենքում փոփոխություններն ու լրացումները պայմանավորված են այն առաջարկներով, որոնք ներկայացվել են հայկական կողմին փողերի լրացման եւ ահաբեկչության ֆինանսավորման դեմ պայքարի համակարգի վերլուծության արդյունքում։ Այս մասին փետրվարի 22-ին ԱԺ ֆինանսավարկային եւ բյուջետային հարցերով մշտական հանձնաժողովի նիստում՝ «Փողերի լվացման եւ ահաբեկչության ֆինանսավորման դեմ պայքարի» օրենքում փոփոխություններ եւ լրացուըմներ կատարելու օրինագծի քննարկման ժամանակ  հայտարարել է Կենտրոնական բանկի փոխնախագահ Վախթանգ Աբրահամյանը։

Բացի այդ, Աբրահամյանի խոսքով, դա կապված է մի քանի խնդիրների հետ, որոնք ի հայտ են եկել այս ոլորտում իրերի դրության գնահատականի ժամանակ։ «Փողերի լվացման եւ ահաբեկչության ֆինանսավորման դեմ պայքարի մասին» օրինագծում մենք առաջարկում ենք կարգավորել զանգվածային ոչնչացման զենքի տարածման հետ կապ ունեցող անձանց ունեցվածքի սառեցման հետ կապված խնդիրները»,–նշել է նա։

Միեւնույն ժամանակ, օրինագիծը հստակ սահմանում է, թե ով կարող է համարվել զանգվածային ոչնչացման զենքի տարածման հետ կապված անձ, իսկ ով՝ ոչ:

Օրինագիծը մշտական հանձնաժողովի կողմից միաձայն հավանության է արժանացել։