Փետրվար ամսին Քենսինգթոնյան պալատ արքայազն Հարիին եւ նրա հարսնացու Մեգան Մարքլին հասցեագրված սպիտակ փոշիով ծրար է ուղարկվել, հայտնում է «Ինտերֆաքս»-ը՝ վկայակոչելով The Independent-ը:
Հրապարակման համաձայն՝ միջադեպը տեղի է ունեցել փետրվարի 12-ին: Սկզբում, երբ պալատի անվտանգության ծառայությունը նոր էր հայտնաբերել ծրարը, մտավախություն կար, որ այն սիբիրախտի հարուցիչ է պարունակում, նշում է պարբերականը: Սակայն հետաքննության ընթացքում բրիտանական ոստիկանությունը պարզել է, որ սպիտակ փոշին վտանգ չի ներկայացնում: Այժմ իրավապահ մարմինները փորձում են պարզել ուղարկողի ինքնությունը: