Սաուդյան Արաբիան մտադիր է զվարճանքի ոլորտում ներդնել միլիարդավոր դոլարներ, հաղորդում է AFP–ն։
General Entertainment Authority–ի (GEA) ղեկավար Ահմադ բեն Ակել ալ Հաթիբը լրագրողներին հայտնել է, որ թագավորությունը մոտակա 10 տարվա ընթացքում մտադիր է 64 միլիարդ դոլար ներդնել զվարճանքի ոլորտում։
Նա խոստացել է, որ իրական փոփոխությունները տեսանելի կլինեն արդեն 2020 թվականին։
Երկար ժամանակ իր պահպանողականությամբ հայտնի Սաուդյան թագավորությունը սկսել է լայնամասշտաբ սոցիալ–տնտեսական ծրագրային բարեփոխումներ, որոնք իրականացվում են թագաժառանգ Մոհամեդ բին Սալմանի կողմից։