Իրաքը Ռուսաստանին է հանձնել «Իսլամական պետություն» ահաբեկչական խմբավորման հետ կապերի համար կասկածվող 4 կնոջ եւ 27 երեխայի: Այս մասին հաղորդում է Reuters գործակալությունը՝ վկայակոչելով «Ալ Սումարիա» տեղական հեռուստաընկերությունը: Ներկայումս Իրաքում հարյուրավոր օտարերկրյա կանանց նկատմամբ դատավարություններ են ընթանում, որոնք հարյուրավոր երեխաների հետ միասին ձերբակալվել էին երկրի մի շարք տարածքներ՝ «ԻՊ»-ից ազատագրումից հետո:
«Իրաքը Ռուսաստանին հանձնել է «Իսլամական պետություն» ահաբեկչական խմբավորման հետ կապերի համար կասկածվող 4 կնոջ եւ 27 երեխայի»,- հայտնեկ է Իրաքի արտաքին գործերի նախարարության մամուլի քարտուղարը: Իշխանությունները եզրակացրել են, որ նրանք չեն մասնակցել «քաղաքացիական անձանց եւ Իրաքի անվտանգության ուժերի դեմ ահաբեկչական գործողություններին»: Նրա խոսքով՝ Ռուսաստանում նրանց դեմ մեղադրանքներ կառաջադրվեն Իրաք անօրինական ներթափանցման համար:
