Ուկրաինան հաջորդ տարի Դնեպր քաղաքում մասնավոր ներդրողների միջոցների հաշվին կարող են փորձարկման հրապարակի կառուցումը սկսել` Hyperloop-ի նման գերարագ հաղորդակցության ներդրման համար: Այս մասին հայտարարել է Ուկրաինայի ենթակառուցվածքների նախարար Վլադիմիր Օմելյանը, հաղորդում է UNIAN-ը:
«Մենք ստեղծում ենք տրանսպորտային նորարարության կենտրոն՝ «Հայփ Ուեյ»: Դրա շրջանակներում մենք ցանկանում ենք գիտական հիմնավորում տալ, տեխնոլոգիա մշակել, որը կօգտագործվի Ուկրաինայում եւ Դնեպր քաղաքում փորձարկման հրապարակ ստեղծել` մեր երկրում այս տրանսպորտի նոր տեսակի զարգացման համար», - ասել է նախարարը:
Նա նշել է, որ այս նախագծի իրականացումը բաժանված է 3 փուլի՝ այս տարի Գիտությունների ակադեմիան պետք է ավարտի իր փորձագիտական գնահատակը, երկրորդ փուլում՝ մոտավորապես հաջորդ տարում՝ ներդրողների միջոցների հաշվին նախատեսվում է փորձարկման հրապարակի կառուցումը, որը երկու տարի կտեւի:
Օմելյանի խոսքով՝ նախագիծը կիրականացվի Գիտությունների Ակադեմիայի, «Յուժմաշ» հրթիռաշինարարական ձեռնարկության, «Ուկրոբորոնպրոմ» պետական կոնցեռնի, «Ինտերպայմ» ընկերութան, Կախովսկու էլեկտրաեռակցային սարքավորումների գործարանի եւ այլ կառույցների մասնակցությամբ:
Բացի այդ, ինչպես նշել է նախարարը, Ուկրաինայի հրապարակի շինարարությունում ակտիվորեն կմասնակցիի մի ընկերություն, որը Մեքսիկայում զբաղվում է Hyperloop-ի շինարարությամբ: