Վրաստանի Ներքին գործերի նախարար Գիորգի Գախարիան վաղը կայցելի Հայաստան։ Այդ մասին NEWS.am-ին հայտնեց ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանը։
«Փետրվարի 23-ին նախատեսված է Վրաստանի ներքին գործերի նախարար Գիորգի Գախարիայի եւ նրա ղեկավարած պատվիրակության աշխատանքային այցը Հայաստան: Աշխատանքային այցով ՀՀ ժամանող Գիորգի Գախարիան կհանդիպի ՀՀ ոստիկանության պետ Վլադիմիր Գասպարյանի հետ»,- նշեց նա։