Գարեգին Բ Ամենայն Հայոց Կաթողիկոսի կողմից 2018-ը հռչակվել է որպես Երիտասարդության տարի:
Մայր Աթոռից NEWS.am-ին հայտնում են, որ փետրվարի 19-20-ը Մայր Աթոռ Սուրբ Էջմիածնում տեղի ունեցավ «Դեպի Հայրենիք, դեպի Սուրբ Էջմիածին» կարգախոսի ներքո Երիտասարդության տարի հռչակման ծրագրի կազմակերպչական խմբի ժողովը` նախագահությամբ Հայ Եկեղեցու Երիտասարդաց Միավորման հոգեւոր պատասխանատու Գերաշնորհ Տ. Հովնան արքեպիսկոպոս Տերտերյանի:
Ժողովին իրենց մասնակցությունը բերեցին Ռումինիայի Հայոց թեմի առաջնորդ Գերաշնորհ Տ. Տաթեւ եպիսկոպոս Հակոբյանը, ԱՄՆ Արեւմտյան Հայոց թեմից Արժանապատիվ Տ. Ավետիս քհն. Աբովյանը, ՀԵԵՄ կենտրոնական գրասենյակի տնօրեն Գեւորգ Մկրտչյանը, Ռուսաստանի եւ Նոր Նախիջեւանի Հայոց թեմի երիտասարդական խորհրդի ներկայացուցիչ Վարդան Պողոսյանը, ինչպես նաեւ ՀԵԵՄ ԿԳ աշխատանքային խումբը։
Ժողովի ընթացքում քննարկվեցին երիտասարդական տարի հռչակման շրջանակներում 2018 թ. հուլիսի 4-ից 8-ը ծրագրվող միջոցառումների հետ առնչված կազմակերպչական հարցեր:
