Թեհրանը պատրաստ է հարեւան Ադրբեջանի հետ կիսվել իր ռազմական եւ հակաահաբեկչական փորձով։ Այս մասին հայտարարել է Իրանի պաշտպանության նախարար, գեներալ–մայոր Ամիր Հաթամին Բաքու կատարած այցի ժամանակ, փոխանցում է ԻՌՆԱ գործակալությունը։
«Այսօր Իրանը բավարարում է ռազմական տեխնիկայի իր պահանջները երկրի ամբողջ տարածքում»,–հայտնել է նախարարը։ Նրա խոսքով՝ Թեհրանն ու Բաքուն ունեն պատմական, մշակութային եւ կրոնական ընդհանրություններ, որոնք հող են նախապատրաստում երկկողմ՝ հատկապես, ռազմական ոլորտում հետագա հարաբերությունների համար: