Փետրվարի 23-ին Հայաստանում Ռուսաստանի Դաշնության արտակարգ եւ լիազոր դեսպան Իվան Վոլինկինը, ռուս դիվանագետները եւ «Ռոսսուտրուդնիչեստվոյի» աշխատակիցները ի նշանավորումն Հայրենիքի պաշտպանի օրվա այցելել են Երեւանի Հաղթանակի զբոսայգի եւ ծաղկեպսակ դրել Հավերժական կրակի մոտ:
Միջոցառմանը մասնակցել են նաեւ Հայաստանի պաշտպանության փոխնախարարներ Փախչանյանը եւ Դավթյանը, ՀՀ ԶՈՒ Գլխավոր շտաբի վարչության ղեկավարները, ռուսական 102-րդ ռազմաբազայի եւ Հայաստանում Ռուսաստանի ԱԴԾ Սահմանապահ վարչութան ղեկավարությունը, զինծառայողներ եւ նրանց ընտանիքների անդամները, Հայրենական մեծ պատերազմի եւ Զինված ուժերի վետերաններ եւ այլ քաղաքացիներ:
Հիշեցնենք, որ 1918 թվականի փետրվարի 23-ին Վլադիմիր Իլյիչ Լենինը դեկրետ է ստորագրել Բանվորագյուղացիական կարմիր բանակի ստեղծման մասին: Փետրվարի 23-ին Հայրենիքի պաշտպանի օրը նշվում է Ռուսաստանում, Բելառուսում եւ Լեռնային Ղարաբաղում: