Ֆրանսիայի նախագահ Էմանուել Մակրոնը հայտարարել է, որ թույլ չի տա գինին թունդ ալկոհոլի հետ նույն շարքին դասել, ինչպես նաեւ խոստովանել է, որ «ավանդական ֆրանսիական ըմպելիքը» խմում է օրը 2 անգամ, հայտնում է France Info-ն:
Նա հայտարարել է, որ իր նախագահության օրոք թույլ չի տա «ալկոհոլային կամ ծխախոտային օրենսդրության խստացման ոչ մի ուղղում»:
Ֆրանսիայում ալկոհոլային օրենսդրության խստացման բանավեճը սկսվել է փետրվարի սկզբին, երբ երկրի առողջապահության նախարար Անյես Բուզինը հայտարարել է, որ «գինու ինդուստրիան ստիպում է հավատալ, որ գինին տարբերվում է մյուս ալկոհոլային խմիչքներից» եւ «մի շարք օգտակար հատկություններով է օժտված», չնայած հանրության առողջության տեսանկյունից «գինը խմելը նույն բանն է, ինչ գարեջուր, օղի կամ վիսկի խմելը»: