Իրանի իշխանություններն արգելել են Aseman ավիաընկերության ATR ինքնաթիռների թռիչքները 65 մարդու կյանք խլած աղետից հետո, հաղորդում է Tasnim-ը։
Իրանի քաղաքացիական ավիացիայի կազմակերպությունը դադարեցրել է ATR 72-200 եւ -500 մակնիշների ինքնաթիռների թռիչքները։
Կազմակերպության հաղորդագրության մեջ ասվում է, թե ժամանակավոր արգելքը ներդրվել է՝ մի շարք գործոնների հետազոտումից հետո։ Ստուգումների ավարտից հետո թռիչքները կվերսկսվեն․
Փետրվարի 18-ին Թեհրանից Յասուջ մեկնող ինքնաթիռը բախվել էր Պազանպիր լեռանը։ Բոլոր ուղեւորներն ու անձնակազմի անդամները զոհվել էին։