Երիտասարդական պալատի (այսպես կոչված, «կուկուռուզնիկի»–խմբ.) նոր շենքի կառուցման մասին հուսադրող տեղեկություն դեռ չկա։ Այս մասին, այսօր՝ փետրվարի 23-ին, լրագրողների հետ հանդիպման ժամանակ նշել է Քաղաքաշինության պետական կոմիտեի նախագահ Նարեկ Սարգսյանը:
Նրա խոսքով, այժմ բանակցություններ են ընթանում նախկին Երիտասարդական պալատի տարածքի սեփականատերերի հետ մի քանի ներդրողների ներգրավման հարցի շուրջ, քանի որ այն բլուրի կառուցումը, որտեղ գտնվում էր կառույցը, խոշոր ներդրումներ է պահանջում։
«Այդ մասին տեղեկությունները կհայտնվեն բանակցություններից մի քանի ամիս անց»,–նշել է պաշտոնյան։
Հիշեցնենք, որ Երիտասարդական պալատի բացումը տեղի էր ունեցել 1979 թվականի ապրիլի 7-ին: Այն համալիր կառույց էր եւ իր մեջ ներառում էր լողավազան, նորապսակների սրահ, ռեստորաններ, դիսկոտեկ եւ այլն: Շենքը քանդվել է 2006 թ-ին:
