Արագածոտնի մարզում փետրվարի 21-ին ավտովթարի հետեւանքով Երեւանի «Սուրբ Աստվածամայր» հիվանդանոց տեղափոխված 1 տարեկան երեխայի վիճակը շարունակում է մնալ ծանր: NEWS.am-ի հետ զրույցում Վերակենդանացման բաժանմունքի վարիչ Աննա Չոբանյանը նշեց, որ երեխան վիրահատության է ենթարկվել, նա շարունակում է մնալ արհեստական շնչառական ապարատին միացված. «Մի փոքր կայունացում կա վիճակում, բայց շարունակում է ծանր մնալ: Վիրահատության է ենթարկվել, որից հետո վիճակը փոքր-ինչ կայունացել է»:
Ավելի վաղ NEWS.am-ը տեղեկացրել էր, որ Արագածոտնի մարզում ժամը 12։50-ի սահմանում Երեւան-Վանաձոր ավտոճանապարհի Ապարանի վարչական տարածքում բախվել են Lada մակնիշի 34 MT 002 համարանիշի եւ Samand մակնիշի 236 ՕF 61 համարանիշի ավտոմեքենաները։
Վթարի հետեւանքով 8 հոգի մարմնական վնասվածքներով տեղափոխվել է Ապարանի բժշկական կենտրոն, որտեղից մանկահասակ երեխային տեղափոխել են Երեւանի «Սուրբ Աստվածամայր» բժշկական կենտրոն: