Ոստիկանությունը բացահայտել է Երեւանում փետրվարի 12-ին տեղի ունեցած գողությունը:
Ըստ ոստիկանության տրամադրած տեղեկատվության՝ փետրվարի 12-ին ահազանգ է ստացվել, որ Հերացու փողոցում գտնվող բժշկական սարքավորումների սպասարկման եւ վաճառքի կենտրոնից գողություն էր կատարվել. տեխնիկական միջոցների գործադրմամբ գողացել էին 3 միլիոն դրամին համարժեք գումար, ոսկու ձուլակտոր և բանկային քարտ: Նույն օրը գողություն կատարած անձը բանկային քարտով կանխիկացրել էր 700 հազար դրամ:
Ոստիկանությունը պարզել է, որ հիշյալ գողությունը կատարել է 60-ամյա Սամվել Հարությունյանը, նրան այդ հարցում օժանդակել է 61-ամյա Գուրգեն Ավագյանը: Երկուսն էլ բերման են ենթարկվել ոստիկանություն: Փաստի առթիվ հարուցվել է քրեական գործ:
Մանրամասները՝ ոստիկանության պատրաստած տեսանյութում:
