Ամերիկացի հաղորդավարուհի Օփրա Ուինֆրին հերքել է ԱՄՆ նախագահի թեկնածու դառնալու իր ծրարգերի մասին, հաղորդում է «ՌԻԱ Նովոստին»:
«Ես հաստատ չեմ առաջադրվի որպես նախագահի թեկնածու», — ուրբաթ ABC հեռուստաընկերության Ջիմի Քիմելի շոուի ժամանակ ասել է նա:
Լուրերն այն մասին, որ Ուինֆրին 2020-ին նախագահական ընտրություններին կարող է մասնակցել, լրատվամիջոցներում հայտնվեց հունվարին՝ «Ոսկե գլոբուս» մրցանակաբաշխությանն իր ելույթից հետո: Գործող նախագահ Դոնալդ Թրամփը վստահություն է հայտնել, որ կհաղթի Ուինֆրիին, բայց կասկածել է, որ նա կմասնակցի ընտրություններին: