ԱՄՆ Ֆինանսների նախարարությունը առաջիկա մի քանի շաբաթվա ընթացքում կհայտարարի ՌԴ դեմ նոր պատժամիջոցների մասին: Այս մասին Սպիտակ տանը լրագրողներին հայտնել է ԱՄՆ ֆինանսների նախարար Սթիվեն Մնուչինը, հաղորդում է «ՌԻԱ Նովոստին»:
«Մենք աշխատում ենք Ռուսաստանի դեմ պատժամիջոցների ուղղությամբ: Ես կարող եմ հավաստիացնել, որ աշխատանքը ընթացքի մեջ է: Առաջիկա մի քանի շաբաթների ընթացքում ես նորից այստեղ (Սպիտակ տանը) կլինեմ, եւ մենք կխոսենք այդ մասին», - ասել է նա:
«Մենք քննարկում ենք ընտրություններին միջամտությունը: Մենք սերտորեն աշխատում ենք ՀԴԲ հետ եւ նրանք մեզ վերջին բողոքների մասին տեղեկություն են հաղորդում: Եվ եթե անհրաժեշտ լինի, մենք քննարկենք մասնավոր անձանց հետ կապված տեղեկությունները, որոնք նրանք ունեն», — հավելել է պաշտոնյան:
