Գերմանացիների գրեթե կեսը մտահոգված է կյանքի որակի նվազումից։ Այդ մասին վկայում են Հանս Բյոքլերի հիմնադրամի (Hans-Böckler-Stiftung) աջակցությամբ Պադեբորնի համալսարանի անցկացրած հարցման արդյունքները։ Հարցվածների 47 տոկոսը մտավախություն են հայտնել, որ ապագայում չեն կարողանա «պահպանել կյանքի իրենց որակը», գրում է «Դոյչե վելլեն»։
Նման մտավախություն ունեն հատկապես ցածր եկամուտ ունեցողները։
Հետազոտության հեղինակների կարծիքով, հենց նման վախերն են պատճառ դարձել «Այլընտրանք Գերմանիայի համար» կուսակցության լուրջ հաջողության համար։ ԱԳՀ-ն ստեղծվել է 2013 թ. ամռանը, իսկ անցած տարի անցել Բունդեսթագ։