Միացյալ Նահանգները սատարում է Սաուդյան Արաբիայի եւ ԱՄԷ–ի որոշումը, որոնք համաձայնել են մինչեւ մարտի 31–ին ՄԱԿ–ին հատկացնել 1 մլրդ դոլար Եմենի բնակիչներին հումանիտար օգնություն տրամադրելու եւ երկրի նավահանգիստների եւ ենթակառուցվածնքների վերականգնման համար։ Այս մասին նշված է Սպիտակ տան մամուլի քարտուղար Սարա Սանդերսի տարածած հայտարարության մեջ, փոխանցում է ՏԱՍՍ–ը։
Նա ողջունել է Սաուդյան Արաբիայի գլխավորած կոալիցիայի ջանքները ճգնաժամի հետեւանքները Եմենում հաղթահարելու ուղղությամբ։
«Կենսական կարեւորություն ունեցող հումանիտար կարիքներեի բավարարումը եւ տարածաշրջանի երկրների անվտանգության ոլորտի խնդիրների լուծումը կախված է հակամարեւտության քաղաքական կարգավորումից։ Միացյալ Նահանգները ողջունում է հակամարտության կողմերի ստանձնած պարտավորությունները դիվանագիտական ջանքների վերականգնման հարցում եւ պատրաստ է սատարել ՄԱԿ ղեկավարության կողմից խաղաղությանն ուղղված միջոցառումները»,–եզարափակել է Սանդերսը։
Հիշեցնենք, որ 2004-2010 թթ. Եմենի կառավարական զորքերը մի քանի անգամ բախումներ են ունեցել հութիների հետ, ապա 2010-ին կնքել են զինադադարի պայմանագիր։ Սակայն 2011-ի վերջին այսպես կոչված «Արաբական գարնան» մթնոլորտում նոր մարտեր սկսվեցին հութիների եւ «ալ-Քաիդայի» համախոհներ համարվող սալաֆիների միջեւ:
Եմենում «քաղաքացիական» պատերազմի նոր փուլը սկսվել է 2014-ին: Հակամարտում են շիա հուսիները եւ երկրի սուննի նախագահ Աբդ-Ռաբբա Մանսուրա Հադիին աջակցող ուժերը: Շիա հուսիներին օժանդակում է Իրանը, իսկ սուննիներին՝ արաբական պետությունների մեծ մասը, Սաուդյան Արաբիայի գլխավորությամբ:
Եմենի Իրավունքների եւ զարգացման կենտրոնի տվյալներով՝ երկրում ռմբակոծությունների առաջին 800 օրերի ընթացքում զոհվել է 12.5 հազար խաղաղ բնակչություն։
ՄԱԿ–ի գնահատականով՝ Եմենի բնակչության մեկ քառորդը՝22.2 մլն մարդ, հումանիտար օգնության կարիք ունի։
