Geely Lee-ի ղեկավար Լի Շուֆուն Daimler կոնցեռնի բաժնետոմսերի 9.69. տոկոսն է ձեռք բերել:
Գործարքի նպատակը էլեկտրական մեքենաների արտադրության բնագավառում տեխնոլոգիաների փորձի ձեռքբերումն է, հաղորդում է ՌԲԿ-ն:
Ինչպես հաղորդում է Reuters-ը, Լի Շուֆուն կուտակել է Mercedes Benz արտադրող Daimler-ի բաժնետոմսերի 9.69 տոկոսը: Փաթեթի շուկայական արժեքը գնահատվում է 9 մլրդ դոլար: Չինացի գործարարը իր որոշումը բացատրել է գերմանական կոնցեռնի հետ դաշինք ստեղծելու ցանկությամբ `էլեկտրական մեքենաների, ինչպես նաեւ անօդաչու մեքենաների արտադրության ոլորտում:
Գործակալության աղբյուրի համաձայն՝ Geely-ի սեփականատերը ակնկալում է, որ Daimler-ը կկարողանա գոյատեւել տեխնոլոգիական մրցավազքում, որը վարում են նաեւ Tesla-ն, Google-ը եւ Uber- ը: Բացի այդ, Լի Շուֆուն հույս ունի էկոլոգիապես մաքուր մեքենա ստեղծելու ոլորտում Daimler-ի տեխնոլոգիաները ձեռք բերել, դրանք Չինաստանում օգտագործելու համար:
Daimler-ում բաժնետոմսերի գնումը բարեհաճ են ընդունել, նշելով, որ ողջունում են նոր ներդրողին, ով հետաքրքրված է նորարարություններով եւ կարող է օգնել կոնցեռնին առաջ շարժվել:
Նախկինում Zhejiang Geely ընկերությունը ներդրումներ էր կատարել ավտոմոբիլային խոշոր ընկերություններում: Մասնավորապես, նա ձեռք էր բերել մալազիական Proton-ի բաժնետոմսերի 49 տոկոսը, ինչպես նաեւ շվեդական բեռնատարներ արտադրող Volvo Trucks-ում 3,3 մլրդ դոլար արժեքով թղթեր:
