ՀՀ աշխատանքի եւ սոցիալական աջակցության Աբովյանի տարածքային գործակալության աշխատակից Մանուշակ Սարգսյանը բնակիչներից պահանջել եւ ստացել է օրենքով սահմանված նպաստների մի մասը:
Ոստիկանները պարզեցին այն անձանց շրջանակը, որոնցից Մանուշակ Սարգսյանը գումար էր պահանջել եւ ստացել:
Մի կնոջից Մանուշակ Սարգսյանը 2013 թվականից մինչեւ 2018 թվականը մոտ 108 հազար դրամ գումար էր վերցրել` նրան սոցիալական օգնության ծրագրում պահելու համար, մեկ ուրիշի դեպքում կես միլիոնից ավելի էր ստացած գումարը եւ այդպես շուրջ 5 հոգուց կաշառք էր վերցրել:
«Նպաստս կտրեց, 6 ամիս տարավ, բերեց, չարչարեց, վերջում ասեց մենակ էս պայմանով կտամ քեզ նպաստ, որ մի ամիսը դու ստանաս, մի ամիսը բերես տաս մեզ, ու տենց 2 տարվա մի տարին իրեն եմ տվել»,- ոստիկանությունում ասել էր տուժողներից մեկը:
Հանգամանքները պարզվում են: Փաստի առթիվ Քրեական օրենսգրքի կաշառք ստանալու եւ կաշառք տալու հոդվածների հատկանիշներով հարուցված գործերն ուղարկվել են Աբովյանի քննչական բաժին:
Մանրամասները տեսանյութում`