Ֆրանսիայի իրավապահ մարմինները 2018 թվականի սկզբին երկու ահաբեկչական հարձակում են կանխել, որոնք ահաբեկիչները նախատեսում էին անցկացնել երկրի սպորտային եւ ռազմական օբյեկտներում: Այս մասին, ինչպես հայտնում է «ՌԲԿ»-ն, Europe1-ին տված հարցազրույցում նշել է Ֆրանսիայի ներքին գործերի նախարարության ղեկավար Ժերար Կոլոնը: Նախարարը չի մանրամասնել հակաահաբեկչական գործողությունների բոլոր մանրամասները, սակայն նշել է, որ խոսքը Ֆրանսիայի հարավում եւ արեւմուտքում գտնվող օբյեկտների մասին է: Ոստիկանությունը կալանքի տակ է առել հարձակման ենթադրյալ հեղինակներին: Նրա խոսքով՝ ահաբեկչության սպառնալիքը դեռ առկա է:
