Գերմանիայի կանցլեր Անգելա Մերկելը եւ Ֆրանսիայի նախագահ Էմանուել Մակրոնը կոչ են արել Ռուսաստանին «առավելագույն ճնշում գործադրել Սիրիայի վարչակարգի վրա»՝ Արեւելյան ափի ուղղությամբ օդային հարվածները դադարեցնելու համար, հաղորդում է «ՌԻԱ Նովոստի»-ն:
«Գերմանիայի կանցլեր Անգելա Մերկելը եւ Ֆրանսիայի նախագահ Էմանուել Մակրոնն ընդգծել են, որ այժմ չափազանց կարեւոր է, որպեսզի բանաձեւը իրականացվի արագ եւ լիարժեք կերպով: Նրանք այս համատեքստում Ռուսաստանին կոչ են արել առավելագույն ճնշում գործադրել սիրիական վարչակարգի վրա՝ օդային հարվածները եւ մարտերն անմիջապես դադարեցնելու համար»,- նշվում է հայտարարության մեջ:
Նշվում է, որ Մերկելը եւ Մակրոնը կիրակի օրը հեռախոսով Ռուսաստանի նախագահ Վլադիմիր Պուտինի հետ զրուցել են Սիրիայում եւ մասնավորապես՝ Արեւելյան Գուտայում տիրող իրավիճակի մասին:
