Պեկինում կայանալիք Չինաստանի կոմունիստական կուսակցության կենտրոնական կոմիտեի պլենումում կքննարկվի երկրի Սահմանադրությունը փոփոխելու շուրջ առաջարկը։ Նորարությունը կվերաբերի Չինաստանի նախագահի պաշտոնավարման երկու ժամկետների սահմանափակման վերացմանը, հաղորդել է South China Morning Post պարբերականը։
Եթե փոփոխությունը ընդունվի, ներկայիս նախագահ Սի Ցզինպինը կկարողանա 2023 թվականին վերընտրվել երրորդ ժամկետում։
Հիշեցնենք, որ 2012 թվականին Սի Ցզիպինը ընտրվել էր Չինաստանի Կոմկուսի ԿԿ գլխավոր քարտուղար։ Նա 2017 թվականին վերընտրվել էր Կոմունիստական կուսակցության կենտրոնական կոմիտեի գլխավոր քարտուղարի պաշտոնում։