Պապուա Նոր Գվինեայում 7,5 մագնիտուդով երկրաշարժի հետեւանքով զոհվել է ավելի քան 30 մարդ, հաղորդում է Post Courier-ը։ Ավելի վաղ հաղորդվել էր 10 զոհերի մասին։
Երկրաշարժի հետեւանքով տուժել է 300 մարդ, մի շարք կառույցներ վնասվել եւ ավերվել են։ Ճանապարհներին սողանքներ են։ Հելա եւ Հարավային Լեռներ նահանգներում դադարեցվել է էլեկտրամատակարարումը։ Իրավիճակը հանգեցրել է ավիահաղորդակցության ընդհատումների։
ԱՄՆ Եկրաբանական ծառայության տվյալներով, ստորգետնյա ցնցումները գրանցվել են երկուշաբթի տեղական ժամանակով 03,44-ին, Պորգերա քաղաքից 89 կիլոմետր հարավ-արեւմուտք։ Օջախը գտնվել է 35 կիլոմետր խորության վրա։