Ճապոնական տիեզերական գործակալությունը՝ JAXA, Կագոսիմա պրեֆեկտուրայի տիեզերակայանից հաջողությամբ իրականացրել է նոր հետախուզական արբանյակով Н2-А հրթիռակրի արձակումը, որի հեռարձակումը կատարվել է գործակալության կայքի ուղիղ եթերում, փոխանցում է «ՌԻԱ Նովոստի»-ն:
Տանեգասիմա տիեզերակայանից հրթիռակրի մեկնարկը տեղի է ունեցել տեղական ժամանակով 13.34-ին:
Հրթիռը պետք է ուղեծիր դուրս բերի նոր հետախուզական IGS-Optical 6 արբանյակլը, որն արտադրել է Mitsubishi Electric ընկերությունը: Արբանյակը Information Gathering Satellite (IGS) հետախուական արբանյակների արձակման ճապոնական պետական ծրագրի մասն է, որի գլխավոր նպատակն է արբանյակային տեղեկություններ ստանալու հարցում երկրի անկախության ապահովումը:
Արբանյակի վրա օպտիկական գործիքներ կան, որ թույլ են տալիս ցերեկային ժամերին Երկրի մակերեւույթի նկարահանումներ կատարել:
Ճապոնիան տարեկան 60 մլրդ իեն (մոտ 500 մլն դոլար) է ծախսում լրտես արբանյակների մշակման վրա: Պատճառը Հյուսիսային Կորեայի հրթիռային փորձարկումներն են:
