Ադրբեջանը փորձում է ետ ստանալ լրագրող Ֆիքրաթ Հուսեյնովային՝ խոստանալով Ուկրաինային «անսահման շնորհակալություն»։ Այս մասին իր ֆեյսբուքյան էջում գրում է ռուսաստանցի բլոգեր Ալեքսաանդր Լապշինը։
«Ինձ հաճախ են հարցնում, արդյոք 2017 թվականի փետրվարին Ադրբեջանի նախագահ Իլհամ Ալիեւն անձամբ զանգահարել է Բելոռուսի նախագահ Լուկաշենկոյին եւ Լապշինի հանձնման դիմաց գումար առաջարկել։ Զուտ ասիական բազար՝ որքան կտաս բլոգերի դիմաց։ Եթե անկեղծ, չգիտեմ ինչպես են հաղորդակցվել եւ ինչ գումար են պայմանավորվել։
Ավելի շուտ Լուկաշենկոն փորձում թր պայմաանվորվել ոչ թե Ալիեւի, այլ Ռուսաստանի հետ, միամտաբար կարծելով, որ Լապշինին Ադրբեջանին հանձնելով՝ Պուտինը նրան կների բազմամիլիարդ գազի պարտքը։ Սակայն ոչինչ չստանալով, սկսել է պայմանավորվել Ալիեւի հետ։ Ես այդպես եմ կարծում։
Այդ օրերին հետաքրքրական փաստաթուղթ իմ ձեռքն ընկավ, որն ինձ հետ ոչ մի կապ չուներ։ Այն Ադրբեջանի գլխավոր դատախազ Գառալովի եւ Ուկրաինայի գլխավոր դատախազ Լուցենկոյի գրագրությունն էր։ Ադրբեջանցիները դժգոհ էին այն հանգամանքից, որ նրանք շուրջ կես տարի է Ուկրաինային են դիմել ընդդիմադիր լրագրող Հուսեյնովային բռնելու եւ Բաքվի դատարան արտահանձնելու խնդրանքով, սակայն Ուկրաինան հապաղում է։ Այն, որ այնտեղ բացարձակապես շինծու մեղադրանքներ են, հասականալի է, բայց մենք այժմ դրա մասին չենք խոսում։
Կարդացեք փաստաթուղթը, հատկապես երկրորդ էջը։ Ես այնտեղ կարմիրով ընդգծել եմ հատկապես կարեւոր հատվածները։ Իմ ոչ մասնագիտական կարծիքով, նրանք ակնարկում են լրագրողի հանձնման որոշակի կոռումպացված բաղկացուցիչի մասին: Իբր՝ մեր երախտագիտությունը անսահման կլինի: Գուցե ինձ թվու՞մ է: Ի՞նչ եք կարծում։
p.s Շպիոնամանիայի ուժեղացումից խուսափելու համար, գիտեք ում մոտ, այս փաստաթղթի հասանելությունը բաց է լրատվական կայքերից մեկում։