Փարիզը հանդես է գալիս իրանական միջուկային գործարքի ամբողջական կատարման օգտին։ Այս մասին հայտարարել է Ֆրանսիայի արտաքին գործերի նախարար Ժան Իվ Լե Դրիանը, փոխանցում է «ՌԻԱ Նովոստի»-ն։
«Ինչ վերաբերում է Վիեննայի համաձայնագրին, Ֆրանսիայի դիրքորոշումը հստակ է, մենք այդ մասին հայտնել ենք ամերիկացիներին՝ մենք հանդես ենք գալիս իրանական միջուկային գործարքի ամբողջական կատարման օգտին։ Հաշվի առնելով այն, թե ինչ է կատարվում ներկա պահին, համաձայնագիրն իսկապես պետք է կատարել»,-հայտարարել է Ֆրանսիայի արտաքին գործերի նախարարը Ռուսաստանի արտաքին գործերի նախարար Սերգեյ Լավրովի հետ բանակցությունների արդյունքերի ամփոփման ժամանակ։
Հիշեցնենք, որ 2015 թվականի հուլիսի 14-ին Իրանը եւ միջազգային միջնորդների «վեցնյակը» (Ռուսաստան, ԱՄՆ, Մեծ Բրիտանիա, Չինաստան, Ֆրանսիա եւ Գերմանիա) պատմական համաձայնագիր էին կնքել Իրանի ատոմի երկար տարիների խնդրի լուծման վեաբերյալ. ընդունվել էր Համատեղ համապարփակ գործողությունների ծրագիր (VHAP), որի իրագործումը հանում էր Իրանի նկատմամբ ՄԱԿ-ի Անվտանգության խորհրդի, ԱՄՆ-ի եւ Եվրամիության կողմից նախկինում ընդունված տնտեսական եւ ֆինանսական պատժամիջոցները:
