Նավթի գներն ԱՄՆ վառելիքային պաշարների տվյալների հրապարակումից հետո չորեքշաաբթի սակարկությունների ժամանակ նվազել են, գրում է Dow Jones-ը, փոխանցում է «Ինտերֆաքսը»։

Բացի այդ, դոլարի կայունացումը, ըստ Դաշնային պահուստների նոր նախագահի հայտարարության, բացասական ազդեցություն է գործում հումքային շուկայի վրա;

Brent տեսակի նավթի ֆյուչերսները՝ ապրիլյան մատակարարումներով ICE Futures լոնդոնյան բորսայում փետրվարի 28-ին նվազել են 0,40 դոլարով (0,60 տոկոս)՝ բարելի դիմաց կազմելով 66,23դոլար:

WTI տեսակի նավթի ապրիլյան ֆյուչերսները Նյու Յորքի ապրանքային բորսայում (NYMEX) չորեքշաբթի առավոտյան նվազել են 0,33 տոկոսով՝ բարելի դիմաց հասնելով մինչեւ 62,68 դոլարի:

Նախօրեին Brent-ը էժանացել էր 87 ցենտով (1,3 տոկոսով),  բարելի դիմաց հասնելով մինչեւ 66,63 դոլարի, իսկ WTI-ի գինը նվազել էր 0,90 դոլարով (1,4 տոկոս), բարելի դիմաց հասնելով մինչեւ 63,01 դոլարի։

Նավթի ամերիկյան ինստիտուտի (API) փոխանցմամբ՝ նախորդ շաբաթ ԱՄՆ նավթի պաշարներն աճել են 933 հազար բարելով։  Բենզինի պաշարները API-ի տվյալներով մեկ շաբաթում ավելացել են 1,914 մլն բարելով։