Հատուկ գործակալ Ջեյմս Բոնդի մասին երեք ֆիլմ նկարահանած բրիտանացի կինոռեժիսոր եւ սցենարիստ Լյուիս Գիլբերտը կյանքից հեռացել է 97 տարեկանում: Այս մասին հաղորդում է ֆրանշիզայի պաշտոնական էջեւ Twitter-ում, փոխանցում է «Լենտա»-ն:
Լյուիս Գիլբերտը ծնվել է 1920 թվականին: 1967 թվականին Գիլբերտը հանդես է եկել որպես «Ապրում ես միայն երկու անգամ» ֆիլմի ռեժիսոր, 1977-ին նկարահանել է «Լրտեսը, որը սիրում է ինձ» ֆիլմը, 1979-ին՝ «Լուսնային մրցարշավորդը»:
Կինեմատոգրաֆիստը ստեղծել է նաեւ «Ուրվականների տունը», «Շիրլի Վալենթայն» եւ «Էլֆի» ֆիլմերը: Վերջին ֆիլմը «Օսկարի» հինգ անվանակարգ է ստացել, արժանացել է Կաննի կինոփառատոնի հատուկ մրցանակին, ինչպես նաեւ՝ «Ոսկե գլոբուսին» եւ BAFTA մրցանակին: Ջեյմս Բոնդի մասին ֆրանշիզան 24 պաշտոնական ֆիլմ է ներառում, ինչպես նաեւ՝ երկու ժապավեն, որոնք չեն մտնում վավերականների մեջ:
