Ղազախստանն ու Ռուսաստանը կարող են դիմակայել տարածաշրջանում աշխարհաքաղաքական խաղերին, որի արդյունքները բացասական կլինեն բոլորի համար։ Այսպիսի կարծիք է հայտնել Ռուսաստանի արտաքին գործերի փոխնախարար Գրիգորի Կարասինը, փոխանցում է «ՌԻԱ Նովոստի»–ն։
«Ռուսաստանն ու Ղազախստանն ի վիճակի են շատ բան անել, որ թույլ չտան մեր տարածաշրջանում զրոյական հանրագումարով աշխարհաքաղաքական խաղերը՝ այն խաղերի նման, որ ծավալվում է հետխորհրդային մյուս տարածաշրջաններում, էլ չեմ խոսում Մերձավոր Արեւելքի եւ Հյուսիսային Աֆրիկայի մասին»,–ասել է Կարասինը՝ հանդես գալով չորեքշաբթի Աստանայում ընթացող «Ռուսաստան–Ղազախստան. Ապագա ձգվող դաշինք» միջազգային համաժողովի ժամանակ։
Նրա խոսքով, «փորձագետները խոսում են ԱՊՀ, ԵՏՄ, ՀԱՊԿ եւ ՇՀԿ երկրների միջեւ տարաձայնությունների եւ մրցակցության վտանգավոր գործոններ ստեղծելու երրորդ երկրների փորձերի մասին:
«Սրա հետ մեկտեղ օգտագործվում է հակառուսական պատժամիջոցների խառնաշփոթը, որը սկսում է սպառնալ բոլոր նրանց, ովքեր շարունակում են հավատարիմ մնալ Ռուսաստանի հետ գործընկերությանը եւ դաշինքին»,–նշել է Կարասինը՝ հավելելով, որ սրան անհրաժեշտ է դիմակայել «սթափ մտքի, պրագմատիզմի եւ փոխշահավետության հիմքով հարաբերությունների խորացման տրամաբանությամբ»:
