Ադրբեջանն ու Հայաստանը պետք է շարունակեն բանակցություններ վարել Լեռնային Ղարաբաղի հակամարտությունը կարգվելու ուղղությամբ: Ադրբեջանական Day.az գործակալությանը տված հարցազրույցում ասել է ռուս ռազմական փորձագետ Ալեքսանդր Ցիգանյոկը:
«Բանակցային գործընթացը շարունակում է մնալ փակուղում: Սակայն հետագայում էլ ԵԱՀԿ Մինսկի խմբի մասնակցությամբ բանակցությունները կշարունակվեն եւ կկատարվեն արձանագրային եզրակացություններ: Պատճառն այն է, որ շահերը գլխավոր արտաքին խաղացողների` Մոսկվայի, Վաշինգտոնի եւ Բրյուսելի որոշ դեպքերում համընկնում են, իսկ կոնկրետ դեպքերում ոչ»,-նշել է նա` հավելելով, որ Մոսկվան ստատուս-քվոյի լուռ կողմնակիցն է:
«Բրյուսելն ու Վաշինգտոնը առաջակում են որպես խաղաղարարներ մտցնել այն երկրներին, որոնք տարածշրջանում անմիջական հետաքրքրություններ չունեն: Նրանք նաեւ պնդում են, որ խաղաղարար ուժերը չլինեն ԵԱՀԿ համանախագահող երկների զինված ուժերից»:
Փորձագետի հավաստմամբ, հակամարտության կարգավորումը մեծամասամբ կախված է Վաշինգտոնի ցանկությունից: Նրա կարծիքով, առաջին հայացքից տեղային այս փոքր հակամարտությունը հնարավոր է պատճառ դառնա երրորդ համաշխարհային պատերազմի: Բավական է միայն Ադրբեջանին օգնի ՆԱՏՕ-ն, իսկ Հայաստանին` Ռուսաստանը եւ երրորդ համաշխարհայինը պատրաստ է:
