2011 թվականի մարտի 26-ին Սինգապուրում կնշվի հայկական եկեղեցու (1836 թվական) օծման 175-ամյակը, հայտնում է The Straits Times-ը: «Չնայած Սինգապուրի հայ համայնքը միշտ էլ փոքրաթիվ է եղել, նրան պետք է գնահատել»,- գրում է պարբերականը:
1836 թվականին Սինգապուրում ապրում էր 34 հայ: Նրանք շատ կրոնասեր մարդիկ էին եւ կառուցեցին Սինգապուրում առաջին քրիստոնեական եկեղեցին եւ մեծ ավանդ ներդրեցին Սինգապուրի պատմության մեջ.
The Straits Times թերթը 1845 թվականին հիմնադրել է հայազգի Խաչիկ Մոսեսը:
Եղբայրներ Տիգրան եւ Ավետ Սարգիսները 1887 թվականին հիմնադրել են Raffles հյուրանոցը:
Հայուհի Ագնես Ջոակիմը աճեցրել է աշխարհում Վանդա խոլորձի առաջին հիբրիդը` Սինգապուրի ազգային ծաղիկը: