Եվրոպական եւ ամերիկյան պաշտոնյաները մտադիր են մարտին Բեռլինում հանդիպել Իրանի միջուկային համաձայնագրի վերաբերյալ բանակցելու համար, հաղորդում է Reuters-ը` վկայակոչելով Գերմանիայի ԱԳՆ աղբյուրին:
Համաձայնագիրը ստորագրվել է 2015 թվականին Իրանի եւ ԱՄՆ, Ֆրանսիայի, Ռուսաստանի, Մեծ Բրիտանիայի, Գերմանիայի եւ Չինաստանի միջեւ: Փաստաթուղթը ենթադրում է Իրանի դեմ պատժամիջոցների վերացում` Իրանի կողմից միջուկային ծրագիրը սահմանափակելու դիմաց:
Սակայն ԱՄՆ նախագահ Դոնալդ Թրամփը կտրականապես դեմ է համաձայնագրին: Նա պահանջում է վերանայել պայմանագիրը, հակառակ դեպքում ԱՄՆ-ն դուրս կգա պայմանագրից: Բրիտանիան, Ֆրանսիան եւ Գերմանիան կոչ են արել Թրամփին չլուծարել պայմանագիրը: