«Ուղիղ 10 տարի առաջ մեր երիտասարդ պետությունը բախվեց ծանր մարտահրավերի, որի արդյունքում ունեցանք անդառնալի կորուստներ»: Այսօր՝ մարտի 1-ին, ԱԺ-ում իր ելույթն այսպես սկսեց ՀՀ նախագահի 4-ր դնախագահի թեկնածու Արմեն Սարգսյանը:
«Գիտեմ, որ ԱԺ-ն մարտի 1-ի զոհերի հիշատակն այսօր հոտնկայս հարգել է։ Ես ուզում եմ իմ հարգանքի տուրքը մատուցել այս իրադարձության զոհերի հիշատակին»,-ասաց նա:
Արմեն Սարգսյանը նշեց, որ իր համար մեծ պատիվ է այս ամբիոնից որպես ՀՀ նախագահի թեկնածու ելույթ ունենալ: Նա շնորհակալություն հայտնեց ՀՀ նախագահ Սերժ Սարգսյանին ցուցաբերած բարձր վստահության համար, նաեւ ՀՀԿ-ին ու ՀՅԴ-ին, «Ծառուկյան» խմբակցությանը՝ իրեն սատարելու համար, նաեւ «Ելք» խմբակցությանը՝ իր հետ ունեցած պրոֆեսիոնալ քննարկումների համար:
«Ինձ արվեց առաջարկ, որն ընդունելու դեպքում կարող եմ ներդրում ունենալ մեր երկրի առջեւ ծառացած խնդիրների լուծման գործում: Սա ինձ համար մեծագույն պատասխանատվություն է՝ հաշվի առնելով, որ մեր երկիրը թեւակոխում է նոր խուլ՝ անցնելով խորհրդարանական կառավարման համակարգի»,-ընդգծեց Արմեն Սարգսյանը:
