Պետք է վերաստեղծենք ողջ կրթական համակարգը՝ ուղղորդելով այն դեպի 21-ր դար: Այս մասին, այսօր՝ մարտի 1-ին, ԱԺ-ում իր ելույթում նշեց ՀՀ նախագահի թեկնածու Արմեն Սարգսյանը:
Նրա խոսքով, պետք է ունենանք նոր «թումոներ», պետք է հստակ մտածենք դպրոցական կրթության մասին ոչ միայն Երեւանում կամ Երեւանի էլիտար դպրոցներում, այլ այդ կրթական համակարգը պետք է լին համընդհանուր, ու պետք է այն իր մեջ ներառի նաեւ սփյուռքը:
«Հանճարները չեն ծնվում մայրաքաղաքների լավ ընտանիքներում, ծնվում են ամենուր եւ հաճախ հեռավոր գյուղերում: Մեծ բիզնեսմենները չեն ծնվում Նյու Յորքում, այլ փոքրի քաղաքներում, մեծ արվեստագետները չեն ծնվում Բեռլինում, այլ հեռավոր բնակավայրերում»,-ասաց Արմեն Սարգսյանը:
Նա նկատեց, որ խորհրդային տարիներին ունեցել ենք փայլուն կրթական համակարգ. «Իմ առաջարկն է՝ վերագնահատել ողջ կրթական համակարգը՝ վերցնելով այն լավագույնը, որ ունեինք խորհրդային տարիներին, այն լավագույնը, որ ստեղծել ենք այս տարիներին եւ ստեղծենք մերը՝ հայկականը, 21-րդ դարինը»: