Ցանկացած մարդու համար, այդ թվում Արմեն Սարգսյանի համար պատիվ է լինելու ՀՀԿ-ի թեկնածուն: Այս մասին, այսօր՝ մարտի 1-ին, ԱԺ-ում ՀՀ նախագահի ընտրության հարցի քննարկման ժամանակ նշեց ԱԺ փոխնախագահ, ՀՀԿ մամուլի քարտուղար Էդուարդ Շարմազանովը:
«Ցանկացած մարդու համար, այդ թվում Արմեն Սարգսյանի համար պատիվ է լինելու ՀՀԿ-ի թեկնածուն, մի կուսակցության, որն անկախության առաջին իսկ օրվանից եղել է մեր պետության ակունքներում»,-ասաց նա՝ հավելելով, որ դեռ խորհրդային տարիներին ՀՀԿ-ի անդամենրը եղել են ընդհատակյա Միացյալ միացյալ կուսակցության անդամ եւ պայքարել անկախության համար:
«ՀՀԿ-ի թեկնածու լինելը թերություն չէ, այլ առավելություն»,-ասաց Շարմազանովը:
Նշենք, որ այսօր ԱԺ-ում սկսվել է ՀՀ 4-րդ նախագահի ընտրության հարցի քննարկումը, իսկ քվեարկությունը տեղի կունենա վաղը:
