Ազգային Ժողովի «Ելք» խմբակցության ղեկավար Նիկոլ Փաշինյանը չափազանց տխուր տպավորություն է ստացել ՀՀԿ-ի նախագահի թեկնածու Արմեն Սարգսյանի ելույթից: Այսօր՝ մարտի 1-ին խորհրդարանում լրագրողների հետ զրույցում Փաշինյանը, մասնավորապես, նշեց. «Ես ստացա չափազանց տխուր տպավորություն, անսպասելի տխուր տպավորություն»:
Փաշինյանն անդրադարձավ նաեւ Արմեն Սարգսյանի քաղաքացիության վերաբերյալ քննարկումներին:
«Արմեն Սարգսյանը պարտավոր է հիմնավորել իր քաղաքացիության խնդիրը: Խմբակցության հետ հանդիպման ժամանակ նա էլի բանավոր ասաց իր քաղաքացիության մասին, ասաց, որ հրաժարվել է: Մենք իրեն ասացինք, որ պետք է փաստաթղթերով հիմնավորի: Սա ես համարում եմ անհարգալից վերաբերմունք ՀՀ քաղաքացու նկատմամբ, կենաց ասելով չի»,- ասաց պատգամավորը:
