Շոտլանդիայում Գլազգոյի օդանավակայանը ձյունամրրիկի պատճառով փակվել է առնվազն մինչեւ հինգշաբթի տեղական ժամանակով 15.00, հայտնում է օդանավակայանի կայքը:
«Մեր աշխատակիցները երեքշաբթի երեկոյից անդադրում ձյունը մաքրում են եւ կշարունակեն ամբողջ օրվա ընթացքում: Մենք ուղեւորներին խորհուրդ ենք տալիս օդանավակայան չգալ»,- նշված է կայքում հրապարակված հաղորդագրության մեջ: Նախօրեին չեղարկվել է ավելի քան 120 չվերթ:
Շոտլանդիայի հարավ-արեւմուտքում շարունակվում են ձյան տեղումները, նախկինի պես գործում է եղանակային ամենաբարձր՝ «կարմիր» նախազգուշացում, փոխանցում է «ՌԻԱ Նովոստի»-ն: