Ֆրանսիական «Ազգային ճակատ» կուսակցության ղեկավար Մարի Լը Պենի դեմ մեղադրանք է առաջադրվել Twitter-ում «Իսլամական պետության» զոհերի լուսանկարների հրապարակման համար: Այս մասին հաղորդում է «Գազետա»-ն՝ վկայակոչելով Le Figaro-ն: Քաղաքական գործչին մեղադրել են բռնության եւ դաժանության պատկերների տարածման համար: Այս մեղադրանքին համապատասխան առավելագույն պատիժը երեք տարվա ազատազրկումն է, ինչպես նաեւ՝ 75 հազար եվրո տուգանք:
Ավելի վաղ հաղորդվել էր, որ լուսանկարների հրապարակման համար Լը Պենը զրկվել է պատգամավորական անձեռնմխելիությունից:
