«Հայբիզնեսբանկ» ՓԲԸ-ի վարչության նախագահի տեղակալը, ՀՀ գյուղատնտեսության նախարարի տեղակալը եւ ՀՀ կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» ՊՀ-ի գյուղական ֆինանսավորման կառույցի տնօրենի ներկայացուցիչը ստորագրել են բացառիկ պայմաններով եռակողմ համագործակցության հուշագիր, որը կնպաստի գյուղատնտեսության ոլորտի վարկավորման գործընթացի զարգացմանը:
Համագործակցության ծրագրի նպատակն է տնտեսվարողների բիզնեսի բարելավման համար ստեղծել մատչելի պայմաններ՝ նպաստելով գյուղատնտեսության արագ եւ արդյունավետ զարգացմանը:
Նշված ծրագրերին արդեն միացել է 8 ֆինանսական կառույց, ավելացել է նաեւ կապալառուների ցանկը` համալրվելով եւ՜ տեղական կազմակերպություններով, եւ՜ արտասահմանյան բավական մեծ փորձ ունեցող ընկերություններով:
Տեղեկացնենք, որ շահառուները կարկտապաշտպան ցանցերի եւ կաթիլային ոռոգման համակարգերի ներդրման համար կարող են ստանալ տարեկան 2, իսկ ինտենսիվ պտղատու այգիների հիմնման համար` 5 % տոկոսադրույքով վարկեր:
«ՀԱՅԲԻԶՆԵՍԲԱՆԿ» ՓԲԸ–ի վարչության նախագահի տեղակալ Նշան Գրիգորյանն ընդգծել է, որ նշված ծրագրերով առավել քան բարենպաստ պայմաններ են ստեղծված գյուղատնտեսության ոլորտի վարկավորման համար, եւ ՀԱՅԲԻԶՆԵՍԲԱՆԿԸ եւս մեծ պատասխանատվությամբ ակտիվորեն կմասնակցի ծրագրին` իրականացնելով նախատեսված պայմաններով վարկավորում:
ՀԱՅԲԻԶՆԵՍԲԱՆԿԸ մշտապես կարեւորում է նմանատիպ նախաձեռնությունների իրականացումը՝ նպաստելով գյուղատնտեսության ոլորտի վարկավորման գործընթացի զարգացմանը, Հայաստանում բարենպաստ պայմաններով արդյունավետ վարկավորման ստեղծմանը:
ԲԱՆԿԸ շարունակ ձգտում է նմանատիպ ծրագրերը հաճախորդին առավել հասանելի դարձնել՝ այդ կերպ նպաստելով երկրում տնտեսական աճի զարգացմանը:
ՀԱՅԲԻԶՆԵՍԲԱՆԿ, ապագայի հուսալի ճանապարհ…