News
Լրահոս
News
Երեքշաբթի
Մարտ 19
Տեսնել լրահոսը


Ալբերտ Մկրտչյանը մեր կինոյի վերջին մոհիկաններից է եւ նրա գործը անպայման շարունակելու ենք։ Այս մասին այսօր՝ մարտի 1-ին, ՀՀ ժողովրդական արտիստ, կինոռեժիսոր, սցենարիստ Ալբերտ Մկրտչյանի  հոգեհանգստյան արարողության ժամանակ ասաց ՀՀ մշակույթի նախարար Արմեն Ամիրյանը։

«Նա կարողացավ հերոսացնել իրական հերոսին, հավերժացնել եւ համեմել մեր հերոսներին։ Ես առիթ եւ բախտ եմ ունեցել շփվելու Ալբերտ Մկրտչյանի հետ եւ կարող եմ ասել, որ նա կարողացավ հավերժացնել մեր պատմության դժբախտ եւ հերոսական պատկերները։ Ցավով եմ նշում, որ նա կիսատ թողեց իր վերջին ֆիլմը եւ կարծում եմ, որ չարժե ֆիլմը ավարտել, քանի որ դրանով էլ մենք հրաժեշտ ենք տալու Ալբերտ Մկրտչյանին»,-ասաց նախարարը։

Նշենք, որ Ալբերտ Մկրտչյանի  հոգեհանգստյան արարողությանը մասնակցեցին ԱԺ պատգամավորներ, Երեւանի քաղաքապետ Տարոն Մարգարյանը, հասարակական, արվեստի գործիչներ եւ ուղղակի քաղաքացիներ։

Նշենք, որ Ալբերտ Մկրտչյանը կյանքից հեռացել է փետրվարի 28-ին, 81 տարեկան հասակում։ Նա կհուղարկավորվի մարտի 2-ին, Երեւանի քաղաքային պանթեոնում։

Ալբերտ Մկրտչյանը ծնվել է Գյումրիում (նախկին Լենինական), 1937թ. փետրվարի 27, 1937-ին։ Նա հայտնի դերասան, ԽՍՀՄ ժողովրդական արտիստ Մհեր Մկրտչյանի փոքր եղբայրն էր։

1960–1966 թվականներին եղել է հայկական հեռուստաստուդիայի, 1971 թվականից՝ Հայֆիլմ ստուդիայի ռեժիսոր, 1995–1999 թվականներին՝ Գյումրիի դրամատիկական, 2000 թվականից՝ Երեւանի Մհեր Մկրտչյանի անվան արտիստական թատրոնների տնօրեն եւ գեղարվեստական ղեկավար։ 1980–2001 թվականներին դասավանդել է Երեւանի Հայկական պետական մանկավարժական համալսարանում (պրոֆեսոր՝ 1995 թվականից), 2001 թվականից՝ Թատրոնի եւ կինոյի պետական ինստիտուտում։

Արժանացել է ՀՀ «Մովսես Խորենացի» (2000), ՀՀ մշակույթի նախարարության ոսկե մեդալների (2007), ՀՀ ժողովրդական արտիստի (2003), «Հայակ» հայկական ամենամյա առաջին կինոմրցանակաբաշխության Հատուկ մրցանակի (2012)։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Գարունը Զարեչնայա փողոցում» ֆիլմի ռեժիսոր Մարլեն Խուցիեւը վերակենդանացման բաժանմունքում է․ ԶԼՄ-ներ
93-ամյա կինոգործչին հիվանդանոց են տեղափոխել տնից․․․
Հայ ժողովրդի բարեկամ Կիմ Բակշին կտակել է իր աճյունի մի մասը ցրել Հայաստանում կամ Արցախում
Իմ այս նամակով եւ վերջին ցանկությամբ ես կրկին հաստատում եմ Հայաստանի, Արցախի հանդեպ իմ անդավաճան սերը․․․
Նա երբեք չէր կոտրվում, չէր ընկճվում. Ջհանգիրյանի հուշերը` Սմբատ Այվազյանի մասին
Ջհանգիրյանը հավելեց, որ Սմբատ Այվազյանը նաեւ քաղբանտարկյալ էր…
Մարդ, որ իր ամբողջ կյանքը նվիրեց հայրենիքին. Սմբատ Այվազյանն այսօր կդառնար 60 տարեկան
Կարեւոր չէ` երբ ենք ճանաչել Սմբատ Այվազյանին, կարեւորն այն է, որ մենք անցել ենք ճանապարհ…
Այս բոլոր տարիներին զգում էի նրա ներկայության կարիքը. Միքայել Աջապահյանը՝ Մեսրոպ Մութաֆյանի մասին
Հանգչիր խաղաղությամբ, սիրելի ավագ եղբայր...
Էրդողանը Tiwtter-ում հայերենով ցավակցել է Պոլսո Հայոց պատրիարքի մահվան կապակցությամբ
այսօր՝ մարտի 8-ին, Ստամբուլում մահացել է Պոլսո Հայոց պատրիարք, արք․․․
Ամենաշատ