Պաշտոնական այցով այսօր՝ մարտի 2-ին Հայաստան է ժամանել Վրաստանի վարչապետ Գիորգի Կվիրիկաշվիլին: «Զվարթնոց» օդանավակայանում գործընկերոջը դիմավորել է Հայաստանի վարչապետ Կարեն Կարապետյանը:
Գիորգի Կվիրիկաշվիլիի գլխավորած պատվիրակության կազմում են առաջին փոխվարչապետ, էկոնոմիկայի եւ կայուն զարգացման նախարար Դիմիտրի Կումսիշվիլին, փոխվարչապետ, արտաքին գործերի նախարար Միխեիլ Ջանելիձեն, պաշտպանության նախարար Լեւան Իզորիան, ֆինանսների նախարար Մամուկա Բախտաձեն, պաշտոնատար այլ անձինք:
Կառավարությունում մեկնարկել են հայ-վրացական բանակցությունները նախ՝ նեղ, այնուհետեւ՝ ընդլայնված կազմով:
Բանակցություններից հետո Կարեն Կարապետյանն ու Գեորգի Կվիրիկաշվիլին հանդես կգան լրատվամիջոցների համար համատեղ հայտարարությամբ: