Բաքվում նարկոդիսպանսերում տեղի ունեցած հրդեհից հետո գտնվել է 20 մարմին, փոխանցում է «Սպուտնիկ Ադրբեջան»-ը՝ վկայակոչելով Ադրբեջանի առողջապահության նախարարության Դատաբժշկական փորձաքննության եւ պատալոգիական անատոմիայի միավորմանը:
Հանրապետական նարկոդիսպանսերի շենքում հրդեհը բռնկվել է վաղ առավոտյան: Պատահարի վայրում աշխատում են հրշեջները եւ Ադրբեջանի ԱԻՆ փրկարարները: Ականատեսները «ՌԻԱ Նովոստի»-ին հայտնել են, որ հրշեջները չեն կարողացել շենք մտնել, կրակն ուժգնացել է քամու պատճառով: Ադրբեջանի ԱՆ-ից գործակալությանը հայտնել են ավելի քան 30 մարդու տարհանման մասին, նախարարության տեղեկություններով՝ կան տուժածներ: Ավելի վաղ իրավիճակին ծանոթ աղբյուրը հայտնել էր, որ հրդեհի հետեւանքով ավելի քան 20 մարդ է զոհվել: