Սաուդյան Արաբիայի իշխանությունները մտցրել են թագավորությունում ամենատարածված ընդանի կենդանիների՝ ուղտերի պարտադիր չիփավորում, հայտնում է Al Arabia հեռուստաալիքը:
Երկրի շրջակա միջավայրի, ջրային տնտեսության եւ գյուղատնտեսության նախարարությունից հստակեցրել են, որ կենդանիների մակնշման ծրագիրը գործում է արդեն 5 տարի: Սակայն նախկինում դա անում էին տերերի ցանկությամբ: Ներկայումս չնայած նախարարության աշխատակիցների ջանքերին հաջողվել է գրանցել ուղտերի միայն 14.2 տոկոսին: Երկրում ընդհանուր կա 1,4 մլն ուղտ:
Երկրի գյուղնախարարությունից հայտնել են, որ արշավի նպատակն է պարենային անվտանգության երաշխավորումը, քանի որ այս կենդանիների միսը եւ կաթը տարածված են տեղացիների շրջանում: Վերջին տեղում չէ նաեւ հվանդությունների տարածման կանխումը: Դրանց թվում առաջինը մարդու առողջության համար վտանգ ներկայացնող կորոնավիրուսն է:
Սաուդյան Արաբիայում շտամն առաջին անգամ հայտնաբերվել է 2012 թվականի սեպտեմբերին: Մասնագետների կարծիքով՝ հիվանդության աղբյուրը կարող էին լինել միասապատ ուղտերը, որոնք բնակվում են Արաբական թերակղզում: